Trekk seg som nestleiar

0

Lasse Heggedal går av som nestleiar i StudentOrganisasjonen (StOr) med umiddelbar verknad.

Av: Eirik Ravnestad Eikefet (tekst & foto)

GÅR AV: Lasse Heggedal (framme t.v.) vart vald til ny nestleiar i StudentOrganisajonen i vår. No går han av fordi han ikkje føler seg skikka til jobben.

 

Det var etter samtalar med Studentstyret tidlegare i dag at Heggedal valde å trekkje seg frå vervet sitt som nestleiar i StudentOrganisasjonen (StOr).

– Eg kjenner at eg ikkje er god nok for å halde fram i dette vervet. Behandlinga mi av ei særskild sak har vore utilstrekkeleg. Studentstyret har difor mista tillt til meg, seier Heggedal til SmiS.

Han vil ikkje kommentere kva sak det gjeld.

UTAN TILLIT: Studentstyret har ikkje lenger tillit til at Lasse Heggedal greier å utføre jobben som nestleiar. (FOTO: Pål Karstensen)

– Dette handlar studentane sitt beste. Eg trekk meg no frå alle mine verv i studentpolitikken, seier Heggedal.

Han representerer også StOr i eit eige utval på Humanistisk fakultet.

Kallar inn til ekstraordinært møte
– Me tek avgjerda til etteretning, seier Morten Rønne, leiar i StOr.

Han vil ikkje gå nærare inn på kva grunnar Heggedal hadde for å trekkje seg anna enn at det har med det komande studentvalet å gjere. Studentstyret kallar no inn til ekstraordinært parlamentsmøte på tirsdag for å diskutere korleis dei skal løyse saka.

– Me forsøker å få inn ein ny nestleiar så snart som mogleg, men me har foreløpig ingen konkrete namn på blokka. Det er dette me skal behandle på møtet, seier Rønne til SmiS.

LEGG IGJEN EN KOMMENTAR

Please enter your comment!
Please enter your name here